Romans 6:2-15

²Absit! Qui enim mortui sumus peccato, quomodo adhuc vivemus in illo?b

³An ignoratis quia, quicumque baptizati sumus in Christum Iesum, in mortem ipsius baptizati sumus?c

⁴Consepulti ergo sumus cum illo per baptismum in mortem, ut quemadmodum suscitatus est Christus a mortuis per gloriam Patris, ita et nos in novitate vitae ambulemus.d

⁵Si enim complantati facti sumus similitudini mortis eius, sed et resurrectionis erimus;e

⁶hoc scientes quia vetus homo noster simul crucifixus est, ut destruatur corpus peccati, ut ultra non serviamus peccato.f

⁷Qui enim mortuus est, iustificatus est a peccato.g

⁸Si autem mortui sumus cum Christo, credimus quia simul etiam vivemus cum eo;h

⁹scientes quod Christus suscitatus ex mortuis iam non moritur, mors illi ultra non dominatur.i

¹⁰Quod enim mortuus est, peccato mortuus est semel; quod autem vivit, vivit Deo.j

¹¹Ita et vos existimate vos mortuos quidem esse peccato, viventes autem Deo in Christo Iesu.k

¹²Non ergo regnet peccatum in vestro mortali corpore, ut oboediatis concupiscentiis eius,l

¹³neque exhibeatis membra vestra arma iniustitiae peccato, sed exhibete vos Deo tamquam ex mortuis viventes et membra vestra arma iustitiae Deo.m

¹⁴Peccatum enim vobis non dominabitur; non enim sub lege estis sed sub gratia.n

¹⁵Quid ergo? Peccabimus, quoniam non sumus sub lege sed sub gratia? Absit!o