Matthew 19:3-9

³Et accesserunt ad eum pharisaei tentantes eum et dicentes: " Licet homini dimittere uxorem suam quacumque ex causa? ".

⁴Qui respondens ait: " Non legistis quia, qui creavit ab initio, masculum et feminam fecit eosa

⁵et dixit: "Propter hoc dimittet homo patrem et matrem et adhaerebit uxori suae, et erunt duo in carne una?".b

⁶Itaque iam non sunt duo sed una caro. Quod ergo Deus coniunxit, homo non separet ".c

⁷Dicunt illi: " Quid ergo Moyses mandavit dari libellum repudii et dimittere? ".d

⁸Ait illis: " Moyses ad duritiam cordis vestri permisit vobis dimittere uxores vestras; ab initio autem non sic fuit.

⁹Dico autem vobis quia quicumque dimiserit uxorem suam, nisi ob fornicationem, et aliam duxerit, moechatur ".e