Luke 2:29-38

²⁹" Nunc dimittis servum tuum, Domine,secundum verbum tuum in pace,

³⁰quia viderunt oculi meisalutare tuum,o

³¹quod parastiante faciem omnium populorum,

³²lumen ad revelationem gentiumet gloriam plebis tuae Israel ".p

³³Et erat pater eius et mater mirantes super his, quae dicebantur de illo.

³⁴Et benedixit illis Simeon et dixit ad Mariam matrem eius: " Ecce positus est hic in ruinam et resurrectionem multorum in Israel et in signum, cui contradiceturq

³⁵- et tuam ipsius animam pertransiet gladius - ut revelentur ex multis cordibus cogitationes ".

³⁶Et erat Anna prophetissa, filia Phanuel, de tribu Aser. Haec processerat in diebus multis et vixerat cum viro annis septem a virginitate sua;

³⁷et haec vidua usque ad annos octoginta quattuor, quae non discedebat de templo, ieiuniis et obsecrationibus serviens nocte ac die.r

³⁸Et haec ipsa hora superveniens confitebatur Deo et loquebatur de illo omnibus, qui exspectabant redemptionem Ierusalem.