Acts 2:22-38

²²Viri Israelitae, audite verba haec: Iesum Nazarenum, virum approbatum a Deo apud vos virtutibus et prodigiis et signis, quae fecit per illum Deus in medio vestri, sicut ipsi scitis,

²³hunc definito consilio et praescientia Dei traditum per manum iniquorum affigentes interemistis,j

²⁴quem Deus suscitavit, solutis doloribus mortis, iuxta quod impossibile erat teneri illum ab ea.k

²⁵David enim dicit circa eum:Providebam Dominum coram me semper, quoniam a dextris meis est, ne commovear.l

²⁶Propter hoc laetatum est cor meum,et exsultavit lingua mea;insuper et caro mea requiescet in spe.m

²⁷Quoniam non derelinques animam meam in infernoneque dabis Sanctum tuum videre corruptionem.n

²⁸Notas fecisti mihi vias vitae,replebis me iucunditate cum facie tua".o

²⁹Viri fratres, liceat audenter dicere ad vos de patriarcha David, quoniam et defunctus est et sepultus est, et sepulcrum eius est apud nos usque in hodiernum diem;

³⁰propheta igitur cum esset et sciret quia iure iurando iurasset illi Deus de fructu lumbi eius sedere super sedem eius,p

³¹providens locutus est de resurrectione Christi, quia neque derelictus est in inferno, neque caro eius vidit corruptionem.q

³²Hunc Iesum resuscitavit Deus, cuius omnes nos testes sumus.

³³Dextera igitur Dei exaltatus, et promissione Spiritus Sancti accepta a Patre, effudit hunc, quem vos videtis et auditis.r

³⁴Non enim David ascendit in caelos; dicit autem ipse:Dixit Dominus Domino meo: Sede a dextris meis,s

³⁵donec ponam inimicos tuos scabellum pedum tuorum".

³⁶Certissime ergo sciat omnis domus Israel quia et Dominum eum et Christum Deus fecit, hunc Iesum, quem vos crucifixistis ".t

³⁷His auditis, compuncti sunt corde et dixerunt ad Petrum et reliquos apostolos: " Quid faciemus, viri fratres? ".

³⁸Petrus vero ad illos: " Paenitentiam, inquit, agite, et baptizetur unusquisque vestrum in nomine Iesu Christi in remissionem peccatorum vestrorum, et accipietis donum Sancti Spiritus;u