Exodus 21:22-27

²²וְכִי־יִנָּצוּ אֲנָשִׁים, וְנָגְפוּ אִשָּׁה הָרָה וְיָצְאוּ יְלָדֶיהָ, וְלֹא יִהְיֶה אָסוֹן; עָנוֹשׁ יֵעָנֵשׁ, כַּאֲשֶׁר יָשִׁית עָלָיו בַּעַל הָאִשָּׁה, וְנָתַן בִּפְלִלִים׃

²³וְאִם־אָסוֹן יִהְיֶה; וְנָתַתָּה נֶפֶשׁ תַּחַת נָפֶשׁ׃

²⁴עַיִן תַּחַת עַיִן, שֵׁן תַּחַת שֵׁן; יָד תַּחַת יָד, רֶגֶל תַּחַת רָגֶל׃c

²⁵כְּוִיָּה תַּחַת כְּוִיָּה, פֶּצַע תַּחַת פָּצַע; חַבּוּרָה תַּחַת חַבּוּרָה׃ ס

²⁶וְכִי־יַכֶּה אִישׁ אֶת־עֵין עַבְדּוֹ אוֹ־אֶת־עֵין אֲמָתוֹ וְשִׁחֲתָהּ; לַחָפְשִׁי יְשַׁלְּחֶנּוּ תַּחַת עֵינוֹ׃ ס

²⁷וְאִם־שֵׁן עַבְדּוֹ אוֹ־שֵׁן אֲמָתוֹ יַפִּיל; לַחָפְשִׁי יְשַׁלְּחֶנּוּ תַּחַת שִׁנּוֹ׃ פ