Matthew 24:15-28

¹⁵Kiam do vi vidos la abomenindaĵon de dezerteco, pri kiu estas dirite de la profeto Daniel, starantan sur la sankta loko (la leganto komprenu),n

¹⁶tiam tiuj, kiuj estas en Judujo, forkuru al la montoj;

¹⁷kiu estas sur la tegmento, tiu ne malsupreniru, por preni ion el sia domo;

¹⁸kaj kiu estas sur la kampo, tiu ne revenu, por preni sian mantelon.

¹⁹Sed ve al la gravedulinoj kaj al la suĉigantinoj en tiuj tagoj!o

²⁰Kaj preĝu, ke via forkurado ne estu en vintro nek en sabato;

²¹ĉar tiam estos granda aflikto tia, kia ne estis de la komenco de la mondo ĝis nun, nek iam estos.p

²²Kaj se tiuj tagoj ne estus mallongigitaj, neniu karno estus savita; sed pro la elektitoj tiuj tagoj estos mallongigitaj.q

²³Tiam se iu diros al vi: Jen ĉi tie la Kristo, aŭ: Tie; ne kredu;r

²⁴ĉar leviĝos falsaj kristoj kaj falsaj profetoj kaj faros grandajn signojn kaj miraklojn, tiel ke ili forlogus, se eble, eĉ la elektitojn.s

²⁵Jen mi antaŭdiris al vi.

²⁶Se oni do diros al vi: Jen li estas en la dezerto; ne eliru; aŭ: Jen li estas en sekretaj ĉambroj; ne kredu.

²⁷Ĉar kiel la fulmo venas el la oriento kaj montriĝas ĝis la okcidento, tiel ankaŭ estos la alesto de la Filo de homo.t

²⁸Kie ajn estos la kadavro, tien kolektiĝos la agloj.u