Mark 6:45-52

⁴⁵Kaj tuj li devigis siajn disĉiplojn eniri en la ŝipeton kaj iri antaŭ li al la alia bordo, al Betsaida, dum li forsendos la homamason.j

⁴⁶Kaj adiaŭinte ilin, li foriris sur la monton, por preĝi.

⁴⁷Kaj kiam vesperiĝis, la ŝipeto estis meze de la maro, kaj li sola sur la tero.

⁴⁸Kaj vidante ilin laborantaj en malfacila remado, ĉar la vento estis kontraŭa al ili, ĉirkaŭ la kvara gardoparto de la nokto li venis al ili, irante sur la maro, kaj li volis preterpasi ilin;

⁴⁹sed ili, vidante lin iranta sur la maro, supozis, ke ĝi estas fantomo, kaj ili ekkriis;

⁵⁰ĉar ĉiuj vidis lin kaj maltrankviliĝis. Sed li tuj parolis kun ili, kaj diris al ili: Kuraĝu; ĝi estas mi; ne timu.k

⁵¹Kaj li supreniris al ili en la ŝipeton, kaj la vento ĉesiĝis; kaj ili sentis grandan miregon;

⁵²ĉar ili ne komprenis pri la panoj, ĉar ilia koro estis sensenta.