John 13:18-27

¹⁸Non de omnibus vobis dico: ego scio quos elegerim; sed ut adimpleatur Scriptura: Qui manducat mecum panem, levabit contra me calcaneum suum.j

¹⁹Amodo dico vobis, priusquam fiat: ut cum factum fuerit, credatis, quia ego sum.k

²⁰Amen, amen dico vobis: qui accipit si quem misero, me accipit; qui autem me accipit, accipit eum qui me misit.l

²¹Cum hc dixisset Jesus, turbatus est spiritu: et protestatus est, et dixit: Amen, amen dico vobis, quia unus ex vobis tradet me.

²²Aspiciebant ergo ad invicem discipuli, hsitantes de quo diceret.

²³Erat ergo recumbens unus ex discipulis ejus in sinu Jesu, quem diligebat Jesus.m

²⁴Innuit ergo huic Simon Petrus, et dixit ei: Quis est, de quo dicit?

²⁵Itaque cum recubuisset ille supra pectus Jesu, dicit ei: Domine, quis est?

²⁶Respondit Jesus: Ille est cui ego intinctum panem porrexero. Et cum intinxisset panem, dedit Jud Simonis Iscariot.

²⁷Et post buccellam, introivit in eum Satanas. Et dixit ei Jesus: Quod facis, fac citius.