Matthew 5:2-12

²Nagsalita siya at tinuruan sila na sinasabi,

³“Pinagpala ang mahihirap sa espiritu, sapagkat sa kanila ang kaharian ng langit.b

⁴Pinagpala ang mga nagdadalamhati sapagkat sila ay aaliwin.c

⁵Pinagpala ang mga maamo, sapagkat mamanahin nila ang mundo.d

⁶Pinagpala ang mga nagugutom at nauuhaw sa katuwiran, sapagkat sila ay bubusugin.e

⁷Pinagpala ang mga mahabagin sapagkat sila ay kahahabagan.f

⁸Pinagpala ang may pusong dalisay, sapagkat makikita nila ang Diyos.g

⁹Pinagpala ang mga mapagpayapa, sapagkat tatawagin silang mga anak ng Diyos.h

¹⁰Pinagpala ang mga inuusig alang-alang sa katuwiran, sapagkat sa kanila ang kaharian ng langit.i

¹¹Pinagpala kayo kung inaalipusta kayo at inuusig ng mga tao o pagsalitaan ng lahat ng uri ng mga masasamang bagay na pawang mga kasinungalingan ng dahil sa akin.j

¹²Magsaya kayo at labis na magalak sapagkat malaki ang inyong gantimpala sa langit. Sapagkat sa ganitong paraan inusig ng mga tao ang mga propetang nabuhay noon bago pa kayo.k