Mark 10:2-12

²At pumunta sa kaniya ang mga Pariseo upang subukin siya at nagtanong, “Naaayon ba sa batas ang hiwalayan ng asawang lalaki ang kaniyang asawa?”

³Sumagot siya, “Ano ba ang iniutos sa inyo ni Moises?”

⁴Sinabi nila, “Pinahintulutan ni Moises ang lalaki na sumulat ng katibayan ng paghihiwalay at pagkatapos ay paaalisin siya.”a

⁵Sinabi ni Jesus sa kanila, “Ito ay dahil sa matitigas ninyong mga puso, kaya isinulat niya ang batas na ito.

⁶Ngunit sa simula pa lamang ng paglikha, 'Ginawa sila ng Diyos na lalaki at babae.'b

⁷'Sa kadahilanang ito, iiwanan ng lalaki ang kaniyang ama at ina upang makipisan sa kaniyang asawa,c

⁸at ang dalawa ay magiging isang laman.' Kaya hindi na sila dalawa, kundi iisang laman.d

⁹Kaya ang pinagbuklod ng Diyos, huwag paghiwalayin ng tao.”e

¹⁰Nang nasa bahay na sila, muli siyang tinanong ng kaniyang mga alagad tungkol dito.

¹¹Sinabi niya sa kanila, “Sinumang makipaghiwalay sa kaniyang asawang babae at mag-asawa ng ibang babae ay nangangalunya laban sa kaniya.

¹²At kung makikipaghiwalay ang babae sa kaniyang asawa at mag-asawa ng ibang lalaki, siya ay nangangalunya.”