Genesis 24:58-67
58ויקראו לרבקה ויאמרו אליה התלכי עם האיש הזה ותאמר אלך:
59וישלחו את רבקה אחתם ואת מנקתה ואת עבד אברהם ואת אנשיו:
60ויברכו את רבקה ויאמרו לה אחתנו את היי לאלפי רבבה ויירש זרעך את שער שנאיו:d
61ותקם רבקה ונערתיה ותרכבנה על הגמלים ותלכנה אחרי האיש ויקח העבד את רבקה וילך:
62ויצחק בא מבוא באר לחי ראי והוא יושב בארץ הנגב:
63ויצא יצחק לשוח בשדה לפנות ערב וישא עיניו וירא והנה גמלים באים:
64ותשא רבקה את עיניה ותרא את יצחק ותפל מעל הגמל:
65ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכס:
66ויספר העבד ליצחק את כל הדברים אשר עשה:
67ויבאה יצחק האהלה שרה אמו ויקח את רבקה ותהי לו לאשה ויאהבה וינחם יצחק אחרי אמו:
Copiado para área de transferência
Text Size
Aa