Matthew 2:1-11

¹ויהי כאשר נולד ישוע בבית לחם יהודה בימי הורדוס המלך ויבאו מגושים מארץ מזרח ירושלימה לאמר:a

²איה מלך היהודים הנולד כי ראינו את כוכבו במזרח ונבא להשתחות לו:b

³ויהי כשמע הורדוס המלך את דבריהם ויבהל הוא וכל ירושלים עמו:

⁴ויקהל את כל ראשי הכהנים וסופרי העם וידרש מאתם לאמר איפה יולד המשיח:

⁵ויאמרו לו בבית לחם יהודה כי כן כתוב ביד הנביא:

⁶ואתה בית לחם ארץ יהודה אינך צעיר באלפי יהודה כי ממך יצא מושל אשר ירעה את עמי ישראל:c

⁷אז קרא הורדוס למגושים בסתר ויחקר אתם לדעת עת הראות הכוכב:

⁸וישלחם בית לחם ויאמר לכו חקרו היטב על דבר הילד והיה כי תמצאון אתו והגדתם לי ואבאה להשתחות לו גם אני:

⁹ויהי כשמעם את דברי המלך וילכו והנה הכוכב אשר ראו במזרח דרך לפניהם עד באו אל מקום אשר שם הילד ויעמד ממעל לו:

¹⁰ויראו את הכוכב וישמחו שמחה גדולה עד מאד:d

¹¹ויבאו הביתה וימצאו את הילד עם מרים אמו ויפל על פניהם וישתחוו לו ויפתחו את אוצרותם ויקריבו לו מנחה זהב ולבונה ומר:e